+-x茶 (Kwong Wa Street) (Closed)

身為AP鴨嘅fans，9月24號見到旅遊達人袁學謙嘅ig 分享左佢+-x茶剛剛同Sanrio聯乘，賣AP鴨嘅飲品，梗係要去捧下場啦！😍😍😩不過真係好失望。當日我下午五點左右去到， AP鴨已經賣晒。😫店員話AP鴨啫喱製作中，要夜晚先會再有得賣唯有試吓另外兩杯（旺角店在11月7號前只有A P鴨、XO和水怪三款選擇，其餘三杯要到中環先買到）。Bad Badtz-Maru搞怪黑芝麻撲克迷宮⭐️⭐️⭐️呢杯XO嘅特飲， 賣相真係好令人失望🙄，唔講係XO，真係以為只係亂咁灑啲黑色嘅粉喺奶蓋面🌚。Menu上說明係黑芝麻豆乳奶蓋，飲落雖然唔覺有奶蓋味，杯野有啲似黑芝麻加厚奶，但其實味道都唔太差。Hangyodon藍柑衝浪樂園⭐️⭐️至於水怪呢杯，賣相其實幾靚👍🏻，漸變色做得好好，為咗加插水怪元素，飲管上扣着一隻水怪，不過其實唔係太user friendly，因為加埋個高咗嘅蓋，所以打完卡就要除咗水怪出嚟先飲到。味道方面，好似雪碧加左啲橙味，飲囉有啲失望。😣整體來講，兩杯都比較失望，不過身為A P鴨嘅忠實fans，有機會都會捧場買番杯飲下。💪🏻試過嗰兩杯，打一次卡就夠。