德福閣

Open Now

Now Closed

本人好少係香港吃自助餐，因為普遍都貴。今次比我搵到呢間係酒店吃，重要有生蠔和價錢便宜的自助晚餐。一開始我專攻熟食，呢度有甚少係其他自助餐發現嘅田螺。一抔兩粒田螺和薯蓉，熱辣辣很好吃，我一次過食咗兩杯。炸雞外層脆卜卜，雞肉又滑這個芝士焗生蠔芝士味濃郁，非常滋味牛扒肉汁豐富，之後再食咗啲菜就立刻吃今晚主打的生蠔。這裏補給得好快，所以大家可以慢慢吃。生蠔係來自美國，勁大隻好似我半隻手咁大。第一次食自助餐有咁大隻嘅。好creamy 好新鮮，吃完一隻忍不住又吃另一隻。由於太大隻食幾隻就飽唔會好似平時嗰啲咁一陣風，所以好滿足。三文魚佢哋好闊綽，唔使排隊拎，自己夾就得。三文魚新鮮。每一枱都會送炸蝦，服務員細心的告訴我好窩心。最好梗係甜品時間疏乎厘外脆內軟，值得推介。到八點鐘就有廚師表演，火焰法式pancake。酒味濃郁，味道好特別，睇得又食得。最正飲品任飲，有樽裝可樂丶啤酒丶咖啡和橙汁。總括而言，二百元鬆啲就食到咁大隻生蠔的自助餐，真的超值。性價比高。