炯記餐室 (美麗閣)

Open Now

Now Closed

今晚和同事在北角收工，於是我提議一齊食晚飯。沿住英皇道一直行發現呢間叫「炯記」的餐廳好似專門食燒味既，突然我地都想食燒味所以就入左去啦。麻辣手撕雞飯望望餐牌發現原來呢度既手撕雞都好似幾出名喎，所以我就決定試試麻辣手撕雞飯啦。份量都算幾足料，至於雞肉既質感好嫰滑，辣汁亦都好惹味😋😋，令我食到停唔到口添😂😂雙拼燒味撈麵仲有我地揀左叉燒燒鵝太子鵝油撈麵，叉燒同燒鵝真係啖啖肉，而且皮脆肉厚，蜜汁滲透哂係入面非常香甜，另外每一條撈麵都沾滿鵝油，麵質又夠哂彈牙，所以食落都十分香口。🤤🤤海蜇手撕雞腸粉海蜇爽口彈牙，腸粉都好滑，撈埋甜醬就更加入味，今次呢份手撕雞就係鹽焗既，估唔到鹽焗既咸香味咁突出，唔錯唔錯👍🏼👍🏼黃金皮蛋皮蛋的辣油都幾麻，鍾意食辣的朋友應該一試愛上！而且蛋黃都有少少流心，幾有驚喜喎！😝😝食完辣野梗係要叫返杯凍野飲解下辣啦。