厚興瑜記手撕雞 (寶怡花園)

Open Now

Now Closed

今晚食呢間厚興瑜記手撕雞 ，想當年佢只係一間手撕雞外賣店，估唔到發展到今時今日已經做埋堂食😂👍原來堂食係多啲花臣，唔止做手撕雞散賣🤣餐廳提供二/四人套餐，價錢親民，選擇又多元化，有菜有肉有湯有主食，啱晒打工仔放工後嘅晚餐🤩招牌手撕雞雞肉肉質好嫩滑😍雞皮口感又夠爽，配上自家製醬料，真係好吸引😋主食方面，按喜好口味可以揀湯麵、米粉、水晶粉、烏冬、白飯😃自選雙併小食 (海蜇、雞腎)非常惹味嘅前菜小食，海蜇同雞腎都係我最愛，真係令人食指大動😝上湯魚腐娃娃菜除咗啖啖肉之外，當然要食返啲菜平衡一下營養攝取😄住家靚湯食一餐晚飯，有埋碗湯飲就最完美喇🤓