巧手製作 (Closed)

今日同媽媽去竹園探完親戚，途經竹園廣場想買個午飯回家食，見有間包點店 - 巧手製作，撞正中午時分，大排長龍。見佢有套餐、又有腸粉食，於是試一試。是日用餐：巧味一人套餐($37)套餐基本有一份蒸飯+點心+烏龍茶，飲品可以另加錢換其他飲品。 我地叫左鳳爪排骨飯，點心則叫左燒賣。飯分量都幾大，一個外賣飯盒size咁大，飯及肉比較5050，完美比例。另+$9叫左一枝芝麻黑漿，芝麻都香濃。叉燒腸粉($19)主打手工腸粉，叉燒分量好多，而粉皮又夠簿。蒸包-叉燒包 榨茶肉包 馬拉榚一個包$6.5，買三個好似只要$15定$16。好抵食，包size大大個，有餡料的包，分量亦都5050。