Video
Read full review
2018-08-01
150 views
講起登龍街好多時都係食拉麵，但係附近其實都有好多好嘢食，今次同朋友試呢間焰淑泰國餐廳，好有驚喜，我哋叫咗個四人套餐，大約七百幾蚊，估唔到呢個銅鑼灣可以用呢個價位，食到咁靚又咁正宗既泰國菜。一入到去裝修都幾精緻，而且座位都闊落，客人之間唔會太近，可以好好地咁傾偈。港女就緊係試下呢排好興既蝶豆花飲品啦，呢杯係蝶豆花青檸梳打，店家好細心咁將糖水另上，可以自己控制甜度，加左糖水之後，飲品會由藍轉紫，女仔見到必定心心眼。飲落好清新，青檸味好出，食辣嘢最啱。大蝦冬蔭功呢個冬蔭功用小火鍋裝住，下面有爐火滾住，保持湯既溫度，就算傾計耐左都無問題，非常細心。而且味道好正宗，好重香料味，但又唔會太辣，而且好香椰汁味，味道啱啱好。大蝦既size 足足有手掌咁大隻，肉質夠實，個湯飲落好甜好有蝦味。串燒一共有六串，有豬肉同雞肉，表面燒得夠乾身，有啲脆邊，但仍然保留到肉質，加埋醬汁一齊食，夠曬香口惹味。大蝦炒金邊粉金邊粉用蛋網包住，單論賣相已經好精緻，好唔捨得拆開佢啊，不過食落口感同一般金邊粉唔同，比較煙韌，但係都幾好食，而且好清爽。青咖哩牛肉有唔同既蔬菜，例如豆角，茄子仔，牛肉切得好薄，咖哩入曬味，但係唔會太辣
一入到去裝修都幾精緻，而且座位都闊落，客人之間唔會太近，可以好好地咁傾偈。
港女就緊係試下呢排好興既蝶豆花飲品啦，呢杯係蝶豆花青檸梳打，店家好細心咁將糖水另上，可以自己控制甜度，加左糖水之後，飲品會由藍轉紫，女仔見到必定心心眼。
飲落好清新，青檸味好出，食辣嘢最啱。
大蝦冬蔭功
呢個冬蔭功用小火鍋裝住，下面有爐火滾住，保持湯既溫度，就算傾計耐左都無問題，非常細心。而且味道好正宗，好重香料味，但又唔會太辣，而且好香椰汁味，味道啱啱好。
大蝦既size 足足有手掌咁大隻，肉質夠實，個湯飲落好甜好有蝦味。
串燒
一共有六串，有豬肉同雞肉，表面燒得夠乾身，有啲脆邊，但仍然保留到肉質，加埋醬汁一齊食，夠曬香口惹味。
大蝦炒金邊粉
金邊粉用蛋網包住，單論賣相已經好精緻，好唔捨得拆開佢啊，不過食落口感同一般金邊粉唔同，比較煙韌，但係都幾好食，而且好清爽。
青咖哩牛肉
有唔同既蔬菜，例如豆角，茄子仔，牛肉切得好薄，咖哩入曬味，但係唔會太辣，較重香料味，送飯一流。
豬頸肉沙律
較重金不換同青檸味，食落好refreshing，夾埋生菜食好開胃。
豬肉碎生菜包
都係好傳統既泰國菜，食落豬肉好爽口，不過我比較鐘意上面既豬頸肉沙律夾生菜，兩種唔同既食法。
馬拉盞炒通菜
馬拉盞味好香，仲加入蝦米炒菜，咸咸香香，又係送飯既好選擇。
是日甜品：千層咖啡凍
食完曬咁多嘢其實已經好飽，店家仲送上好靚既咖啡凍做甜品，咖啡味好香，但唔會太甜，食完完全唔會有罪惡感，very good。
。
Post
