Homeland (牡丹大廈) (Moved) New Location

本身唔太熟大角咀，如果唔係朋友邀請，我都真係唔知道呢區有咁多美食，更加估唔到星期六晚真係咁多人！我就嗌咗個龍門福建柚子啤酒，有好重嘅柚子味，易入口同香，啱晒我呢啲唔鐘意太苦嘅人。半熟吞拿魚配芒果他他沙律都好fresh，有好多片厚切嘅吞拿魚，芒果醬汁甜甜酸酸咁，越食越開胃。主菜就食咗煙肉蛋安格斯牛漢堡煙肉，好豐富好厚身,個安格斯牛仲可以揀熟度，好好味。伴碟仲有粗蘿條，唔驚唔飽。另一個主菜就係冬蔭功海蝦闊條麵，啲蝦都有少，仲好爽口彈牙，而冬陰功汁嘅意粉真係第一次試，估唔到可以咁夾。