Video
Read full review
2011-03-17
63 views
一間好多明星仔幫襯既地牢火煱店，但佢地一行到落黎就會神神秘秘咁入房架喇。依度地方唔算大，長方形格局，密度可接受，可能地牢係無窗關係，大廰都好嘈吓，完全傾唔到計，要好大聲講野先得。反而服務出奇地好喎，個個阿姐都面帶笑容又殷勤細心，難得難得。不過食物就太一般喇，暫時最滿意既出品仍然係大埔分店 ~ 但服務就依度出眾啲 ~人參雞湯底，有杞子、紅棗、白人參、鮮腐竹、等等，但飲落硬係差啲料咁，應該無左好多藥材，都唔係嗰隻味呀，搵笨。雞肉嫰滑，但雞味欠奉，只可以叫做人參清湯。鱔片，唔夠肥、唔夠爽滑，都有魚味既。鮮腐手，健康清甜香滑，簡單得黎又好味。頂級手切肥牛，我非常懷疑係咪真係手切囉，完全無手切既口感、質感同顏色，有搵笨之厭。味道同口感免強可以，但唔可以話最好、最甜囉，上次去紅磡街市碟頂級手切肥牛好過佢，勁甜勁滑勁棉，都係百幾銀。蟹子鮮墨魚丸，口感硬實，完全 feel 唔到係手打丸囉，我都都係鍾意食鮮手打既。竹笙，鮮爽，索晒啲湯汁，正呀，食菌又健康。芝心丸，好少食，成日都辣親咀，一般啦，個人一向唔多喜歡包心丸。鮮蝦滑，還可以啦，鮮甜彈牙，並無將蝦打到過份稀爛，起膠程度幾好，仲係蝦膠中放入少量蝦粒，
人參雞湯底，有杞子、紅棗、白人參、鮮腐竹、等等，但飲落硬係差啲料咁，應該無左好多藥材，都唔係嗰隻味呀，搵笨。雞肉嫰滑，但雞味欠奉，只可以叫做人參清湯。
鱔片，唔夠肥、唔夠爽滑，都有魚味既。
鮮腐手，健康清甜香滑，簡單得黎又好味。
頂級手切肥牛，我非常懷疑係咪真係手切囉，完全無手切既口感、質感同顏色，有搵笨之厭。味道同口感免強可以，但唔可以話最好、最甜囉，上次去紅磡街市碟頂級手切肥牛好過佢，勁甜勁滑勁棉，都係百幾銀。
蟹子鮮墨魚丸，口感硬實，完全 feel 唔到係手打丸囉，我都都係鍾意食鮮手打既。
竹笙，鮮爽，索晒啲湯汁，正呀，食菌又健康。
芝心丸，好少食，成日都辣親咀，一般啦，個人一向唔多喜歡包心丸。
鮮蝦滑，還可以啦，鮮甜彈牙，並無將蝦打到過份稀爛，起膠程度幾好，仲係蝦膠中放入少量蝦粒，可增加口感，好有諗頭，唔錯。
雞子，似乎唔多新鮮，腍劈劈，未烚已穿晒，可能解凍後放得太耐，又洗得太多次。搞到啲水份同肉汁流失晒，鞋烚烚又乾爭爭，咁樣邊會好食架。烚熟後要無爆又無縮水，先會脹卜卜、外皮爽脆、裡還棉滑架麻。上網查證過點解 size 咁多架呢？原來係火雞子，所以咁巨形，都唔知真定假。有時屋企打邊爐，會專登去街市買鮮雞子，真係即日劏，無雪過架，size 只有火煱店既十份一，但係味道超甜超鮮，仲好重蛋味架，但係貴好多囉。
Post
