丸·茶手作 (葵涌廣場) (Closed)

聽說係全港首創的手作桂花珍珠！喺葵廣掃完街，想買杯飲品，經過丸茶手作見到有幾款唔同口味嘅手作珍珠賣，都幾特別，起碼喺外面未試過！我本來想飲芋頭奶茶，不過唔可以調整糖度，我怕太甜，結果我叫左杯茉香奶綠加桂花珍珠走甜。桂花珍珠好特別，咬落有淡淡嘅桂花香味同食到少少桂花花碎，令無糖奶綠層次豐富左好多，而且口感煙韌軟綿，相比起一般嘅黑糖珍珠，感覺清新好多。可惜飲完杯桂花珍珠奶綠，好飽，再食唔落其他葵廣小店小食。