肚餓了串燒烤焗專門店 (Closed)

亞士厘道樓上串燒店＜肚餓了＞，即使依家我睇番個餐牌我個肚真的響了。餐廳唔算大，但正因為上左樓，稍稍遠離繁囂，食串串燒，同朋友摸下酒杯底都咪話唔梳乎。燒豬頸肉豬頸肉外表燒得脆邊，上碟時已切成條狀，肉質彈牙爽脆，最重要係不覺油膩。燒安格斯牛柳粒燒得香而嫰，中間仍然是粉嫰不會過老，肉質多汁富有嚼感。白酒焗蜆這幾乎是我去居酒屋必點的，有酒ar ma🥰🥰蜆肉煮得剛熟又鮮甜，清酒煮熱後味道香濃，飲幾淡全身已經熱起來。兩者絕對是無懈可擊的組合。扇貝拼盤扇貝本身味道鮮味甘甜，加埋多元味道選擇， 蒜蓉，芝士 ， 蜜糖，黑松露，芝士金黃醬等等，為扇貝 加添美味。蒜蓉茄子茄子外形胖胖又肉質豐厚，一食落去就 爆曬汁， 蒜香十足又惹味。雞肉串燒得入味，又帶有少少 燶邊脆口，充滿濃濃的炭味肉汁。