Duck Victoria

今次喺城中鴨子揀咗坐戶外位，商場露台有少少風，環境幾舒服，傾偈都幾chill。主角當然係北京填鴨，鴨皮燒到金黃脆卜卜，一咬好香口；鴨肉本身偏瘦少少，部分位略乾，不過夾埋青瓜、京蔥同甜麵醬，再用薄餅卷住食，整體都算ok，兩個人share 份量適中。

當日感覺鋪頭有啲唔夠人手，店員行到好忙，上菜同加水都要等耐少少，不過態度算有禮。今次用咗 YUU 優惠，埋單有折，性價比即刻好咗一截，若原價就會覺得略貴。整體係一餐尚算滿意但未至於驚喜嘅北京填鴨體驗，大概 75/100。