老陳餅店 (Closed)

呢間小店主打戚風蛋糕又多款唔同味道分別有朱古力、芝麻、伯爵茶、柚子、香蕉、原味、抹茶等等。而且仲有其他飲品賣。嚟到呢度梗係要買返幾件，我就買咗原味香蕉味。原味一食就知道有冇蛋香，呢個原味蛋糕味都幾香蛋味，而且蛋糕夠鬆軟，真係好軟熟，好好食！你將蛋糕按一下，會自動彈返起身，超鬆軟！另外試咗香蕉味，一向都幾鍾意食香蕉蛋糕，但係就未試過香蕉戚風。香蕉味淡淡地香，食開香蕉蛋糕嘅人就會明。鍾意呢浸香蕉味清清地唔會太濃，而且蛋糕嘅質感真係好鬆軟。鍾意佢每件蛋糕都包起，然後有個老陳貼紙。而且個紙袋都幾得意！今次食咗兩隻味，下次試吓其他味先！