Mado 雪糕咖啡店 (Closed)

星期日同朋友去MegaBox睇奧運閉幕，經過一樓呢間土耳其雪糕店，即刻俾嗰個土耳其佬吸引住，喺個木桶度又拉又玩舊雪糕，玩到出神入化，原來雪糕都可以玩到咁激！最後買咗佢拉嗰隻原味雪糕，口感真係好鬼煙韌，味道亦很香滑。我朋友就買咗個炒雪糕，叫做百利鑽石，因為加咗百利酒做配料，我試一啖，真係無得頂！另外亦有十多款炒雪糕選擇，下次再試吧！價錢雖然唔係太平，但都物有所值嘅！最後間店員先知個土耳其佬真係師傅嚟，專程黎香港作兩個星期表演，真犀利！