放下素 (Closed)

我平時好少好少食素，果日嚟放下素係陪有素食習慣嘅朋友食的～選擇素食放題，可以食多啲唔同嘅素食菜色😆店子地方好大，有好多座位，walk in去都可以呀～我哋見到碟子上寫住「放下對食物的服務要求」，好有意思呢，有助推動大家多食素，一嚟對健康有幫助，二嚟又對保護環境有幫助，欣賞店家嘅宗旨👍🏻.有分中式同西式素菜區，我哋先食中式素菜～選擇算多，冰鎮菜心、素雞、茄子及南瓜天婦羅、冷盤同我最鍾意食嘅咕嚕麵筋😋店方祟尚健康，所以素菜嘅調味方面會較清淡。都好呀，冇落味噌，食得健康、安心，又可以當清清腸胃👍🏻.西式嘅部分最吸引係有蘇格蘭蛋，賣相幾精緻，用心製作呢。另外仲有煎餃子、沙律bar同炸物等～飲品有羅漢果水同橙皮水，都係好健康、清熱氣的👍🏻仲有湯同紫薯西米露！呢個西米露好好食呀🤤.放下素嘅素菜好有水準，價錢合理，服務態度好，最重要係持良好嘅價值觀去營業，小妹表示欣賞同支持💪🏻