Video
Read full review
2015-08-19
892 views
去之前睇過唔少有關小時光既服務同食物投訴，所以一早將期望值降到最低，諗住食下氣氛算，何況食物唔算貴。好彩今次服務都OK，食物可接受，反而氣氛就差D。沿路行去小時光，真係幾隔涉，不過咁多情侶(多數係女既捉住個男既)同疑似文青都係經呢條路遊走工廈之間，地點唔太難搵。夜晚8點幾去到，多人到連門口都入唔到，唯有係門口等，又熱又焗等左十幾張枱，終於有位坐。我同朋友分別叫左台灣魯肉便當同韓式芝士鮮茄牛肉烏龍麵(個caption寫住「當韓國女生遇上港男的感覺」，差D唔想叫)，野飲叫左凍朱古力泡沫咖啡同焦糖榛子咖啡。食物好快到，但野飲都等幾耐。魯肉便當比想像中好，牛腱幾腍，係鹵雞翼太乾同唔入味，聽過人投訴D飯係凍既，不過可能今次多客，冇呢個問題，整體味道不過不失啦。魯肉飯好細碗，不過鹵肉拼盤都幾飽肚，加埋杯野飲同兩塊餅，都夠飽既。韓式烏龍麵小辣，雖然係幾惹味，不過我地唔食得辣，中伏，好彩叫左凍飲姐。反而飲品不但賣相精緻，仲出乎意料地好飲，尤其朱古力泡沫咖啡 餅乾用黎點咖啡好好食。飲到落底仲會有驚喜，好可愛呀!裝潢相當有心思，可惜高峰時段，氣氛就冇乜。諗住嘆慢活cafe扮文青，首先要吹住熱風排好耐位，流
沿路行去小時光，真係幾隔涉，不過咁多情侶(多數係女既捉住個男既)同疑似文青都係經呢條路遊走工廈之間，地點唔太難搵。
夜晚8點幾去到，多人到連門口都入唔到，唯有係門口等，又熱又焗等左十幾張枱，終於有位坐。
我同朋友分別叫左台灣魯肉便當同韓式芝士鮮茄牛肉烏龍麵(個caption寫住「當韓國女生遇上港男的感覺」，差D唔想叫)，野飲叫左凍朱古力泡沫咖啡同焦糖榛子咖啡。食物好快到，但野飲都等幾耐。
朱古力泡沫咖啡(左)、榛子焦糖咖啡(右)
$35
77 views
0 likes
0 comments
烏龍麵(上)、魯肉便當(下)
$63
49 views
0 likes
0 comments
反而飲品不但賣相精緻，仲出乎意料地好飲，尤其朱古力泡沫咖啡 餅乾用黎點咖啡好好食。飲到落底仲會有驚喜，好可愛呀!
裝潢相當有心思，可惜高峰時段，氣氛就冇乜。諗住嘆慢活cafe扮文青，首先要吹住熱風排好耐位，流住汁咁入到去，人氣太旺，人聲鼎沸，加上座位逼夾，連自拍都有D尷尬。食完飯，出面好多人等位，我地急忙逼番出去，都冇咩時間參觀。
總體黎講，食物唔係特別出色，不過呢個價錢配呢個裝修，真係算唔錯，人流太多都無可厚非，係冇咁旺既時間去會好D。想享受「慢活小時光」又避唔開高峰時段既話，建議帶把扇再加少少想像力啦。
Post
