日本料理「和亭」 (Closed)

上星期六去左西九龍中心，一心諗住去試d 新野，不過原來和亭搞開幕禮，要5點先開舖，一場來到就睇下佢地搞d 咩先，原來佢地請左樓華做mc，原來佢真係真係好細粒，同和亭d staff企埋一齊場面好搞笑！個日有舞獅etc.... 都幾熱鬧啦我一心諗住食，等佢一夠鐘就入去啦，叫左鮭魚子母滿滿壽司食，比我想像中大份，食完都半飽啦，d 三文魚粒幾新鮮，驚喜的是d 魚子有野淹過架，就咁食都唔會太腥既。另外食左和亭沙律，d 料都幾豐富，多到我都唔係好記得啦，我淨係記得有蘆筍啦，一大大碌，混埋d牆一齊食好有特色，覺得幾健康啦。食左兩樣野都飽飽地再食多個石鍋飯，味道同和民d set lunch 差唔多啦，都幾好，唔係食韓燒都可以食到石鍋。再加多杯芒果益力多，好完滿的一餐。雖然本身係港島人，下次有機會都想再食。