要碌到勁底…先搵到新嘢
就係呢間大越！
見到頭幾個食評都大讚間嘢好食（勁難得）
性價比又高 覺得唔試對唔住自己
今次食完好肯定仲會有第二、第三、第四次……☺️
😗😗其實間鋪頭好大間
不過開咗喺一個唔顯眼位置
所以都行過嘅人都唔多😳
我點咗呢個雜錦喇沙
（有札肉、香茅豬扒同埋香茅雞翼）
完全唔驚選擇困難！！🤣
入面有2隻雞翼！！
2塊大扎肉！！
差唔多一塊豬扒！！ （好抵食呀
）
搞到我分享咗勁多比人
好細心
佢係分湯上嘅～
唔好見佢個湯好似好油咁
食落又覺得香濃唔太油膩😋😋
配料真係好多！全部都有精心調味
如果要挑剔嘅話 係煎豬扒浸淋咗
可能堂食嘅話就冇呢個問題～
佢用似油麵嘅麵 所以都吸湯
碳燒豬頸肉飯
我老公食第一啖就「嘩 好食喎」
佢仲大讚豬頸肉燒得幾Juicy! 不得了～
分量都唔少呀！（不過好似喇沙更足料）
炸芒蝦餅
都幾好味 外皮少少脆 蝦餅都厚身
不過完全食唔出芒果味 個醬都係普通酸甜醬
（唔通我自己諗多咗？個芒字唔一定指芒果？😂）
整體嚟講
今餐都好滿意
外賣自取真係好抵抵！
應該係我屋企附近令我最impressive 嘅takeaway🥹
