係行去嘅途中不停暗暗希望唔使等位，因為天氣好熱絕對唔想企喺條街度溶咗咁
果然向宇宙下訂單係有用，我哋一去到就咁啱有人埋單可以直接坐低！太好了！不過定食doraya係主打日式小型丼飯店，座位真係比較狹窄，不過唔緊要～大家當親近啲啦
我每次嚟都係忍唔住要點同一個丼飯～就係藍鰭吞拿魚扒丼定食～
1
我次次睇menu都始終覺得呢個藍鰭吞拿魚扒丼定食係皇道！然後加了$10點了大蜆面豉湯~呢間嘢食丼飯會跟埋漬物，日式蒸蛋同埋一小碟前菜～非常滿足～
大蜆面豉湯非常鮮甜～仲有好多隻煮到啱啱熟嘅大蜆～我覺得加$10去要呢個湯係非常值得！大家記得試下～
另外前菜係黃色嘅蘿蔔..個人嚟講對呢樣前菜無咩興趣..所以無食
另外漬物係蘿蔔同蒟蒻～炆到好淋嘅蘿蔔同煙煙靭靭嘅蒟蒻好大對比但係又出奇地好夾～最後就係日式蒸蛋～裡面有蟹柳，鳴門卷同埋少少扮魚翅一樣的粉絲～非常好食～咁豐富嘅前菜已經令我飽咗1/3
藍鰭吞拿魚扒丼上面鋪滿淨係燒咗表面嘅藍鰭吞拿魚扒，每塊藍鰭吞拿魚扒都係厚切非常有口感～食落完全無腥味！每塊藍鰭吞拿魚扒上面都加咗啲黑椒去吊味～然後中間係一隻留心半熟溫泉蛋！呢樣真係幾特別，好少魚生丼飯會有溫泉蛋呢款配搭～而佢本身都唔建議再落豉油，因為佢本身嘅魚生醬油已經係個飯裡面，係甜甜地嘅醬油～將三種食材混埋一齊食～我好快食飽咗仲意猶未盡
男友就點了藍鰭吞拿魚大腩加魚腩蓉丼定食～店員話今日無大腩所以用中腩嚟代替～不過對我哋來講都唔係好識分大腩同中腩嘅分別
個吞拿魚腩係色澤非常鮮艷，加上油脂分佈得好平均，以$198可以食到呢個質素係非常性價比高～另外吞拿魚蓉係用於撈飯非常一流～同埋佢份量好多，絕對夠撈晒成個飯
一個飯可以又食到吞拿魚腩又有吞拿魚蓉直情係一次過滿足晒二個願望呀！呢一餐我同男友都食得好滿足好無滿意～
