Video
Read full review
2007-04-09
91 views
早一兩日自己draft 咗的食評遲咗少少擺上嚟，原來咁啱又係講朱古力薯片。嗯，入正題！今次主角朱古力薯片都係熊貓爺帶挈我有得食。.因為係朋友贈給本人的復活節禮物呀！多謝。。。感謝友人的心意同了解咩係我杯茶！第一次食。三年前喺 newsgroup 見人踩呢隻零食踩到…話係垃圾！搞到我當時都不了了之冇打算買嚟食。又唔係幾蚊雞~ 怕失望唔敢搏…但今次機緣下收到我一定會試。一試真的不得了~ 好好好好食囉！有一食想再食的衝動。而我呢！？一向唔係薯片粉絲，但我絕對係朱古力fans！一向都係godiva fans。雖然leonidas 都唔差，但我都係仍愛godiva！而且以價錢嚟講，royce 我都鍾意食的，而且幾十蚊都絕不遜色~ 交足貨呀！我討厭食薯片就係憎恨佢鹹、味精強勁同食完好口渴！但今次呢個零食實在太適合我了。原因一：與另外的食家嘅感覺一樣。除了唔會太甜、恰到好處，其次就係食到最後有少許鹽粒，加上口感脆脆的薯片，真係有返食緊薯片的樂趣。(經自己研究蹂躪此零食後，基本上每塊薯片都係只得一面沾上朱古力~ 咁咪唔會太甜太鹹搞到唔似食緊薯片囉！) 原因二：難得在由雪櫃拎出嚟個薯片都不受水氣影響而
嗯，入正題！
今次主角朱古力薯片都係熊貓爺帶挈我有得食。.因為係朋友贈給本人的復活節禮物呀！多謝。。。感謝友人的心意同了解咩係我杯茶！
第一次食。
三年前喺 newsgroup 見人踩呢隻零食踩到…話係垃圾！搞到我當時都不了了之冇打算買嚟食。又唔係幾蚊雞~ 怕失望唔敢搏…
但今次機緣下收到我一定會試。一試真的不得了~ 好好好好食囉！有一食想再食的衝動。
而我呢！？一向唔係薯片粉絲，但我絕對係朱古力fans！一向都係godiva fans。雖然leonidas 都唔差，但我都係仍愛godiva！而且以價錢嚟講，royce 我都鍾意食的，而且幾十蚊都絕不遜色~ 交足貨呀！
我討厭食薯片就係憎恨佢鹹、味精強勁同食完好口渴！但今次呢個零食實在太適合我了。
原因一：與另外的食家嘅感覺一樣。除了唔會太甜、恰到好處，其次就係食到最後有少許鹽粒，加上口感脆脆的薯片，真係有返食緊薯片的樂趣。(經自己研究蹂躪此零食後，基本上每塊薯片都係只得一面沾上朱古力~ 咁咪唔會太甜太鹹搞到唔似食緊薯片囉！)
原因二：難得在由雪櫃拎出嚟個薯片都不受水氣影響而稔晒！再配合我最愛的朱古力~ 催化劑呀！結果…薯片已三日內俾我一個人ko 晒~ 正打算番兜再買！
平日甚少主動將朱古力擺落雪櫃。就係水氣嘛！除咗送俾人又唔靚，到攞出嚟同室溫溫差太大又會加快融化的速度。我諗冬季時分應該還可以的…很討厭將心愛的truffes 擺落雪櫃~ 影響我喜歡的口感、幼滑感囉！
但今次個朱古力薯片我就會偷雞…用個小碟每次由雪櫃逐少逐少攞一定的份量出嚟食！食幾多攞幾多~ 咁未食嗰 d 薯片咪唔洗受溫差影響而變稔囉！因為朱古力又凍，加上脆的薯片，真係好有脆皮feel 架！
多唔多餘就見仁見智，但為咗食得美味，我會覺得值得同願意付出囉！^^
昨晚有人icq 問我最近食過咩….
本想話我喺 openrice 的牌照就係34D ~ 想知我大概食過咩自己睇啦！但我真係冇勇氣答佢囉！
我唔清楚佢有冇睇開呢個網~ 但緣份都係天注定。至於我寫過咩~ 有緣嘅：佢睇到就睇到，睇唔到就睇唔到。
至於食落肚嘅 ~ 只要記得的話，好食、難食的，得閒我都會嚟呢度撩返篇文章架喇！dismiss…
Post
