Hero's Friday (Closed)

今次第二次到訪，係我近期最愛嘅漢堡包店！除了係黃店之外，呢度既漢堡都十分滋味，令人回味無窮。所以再一次幫襯，係黃埔、深水埗同荔枝角都有分店。實在太便利！ 🌸🌸🌸🌸🌸🌸🌸🌸🌸🌸🌸🌸🌸🍀全日鳳凰英雄餐 （雞肉）$86👍👍上次試左pancake漢堡，今次試下佢個friend 全日早餐！呢個全日早餐超級豐富，入面有：雞排、煙肉、腸、蕃茄、pancake、炒蛋、薯餅及茄汁豆，最喜歡Pancake，甜甜地，好鬆軟；而炒蛋蛋香濃郁，帶點牛奶味，好滑溜！跟餐包罐裝汽水，份量好啱大食仔，讚！如果想食平d 可以選擇豬柳蛋班堡，一樣咁好食！🍀captain burger 餐$76見到唔少人都有叫呢個餐！加$10轉左炸雞粒，好抵，份量好多，可以食雞粒食到飽肚✌🏻100%純牛肉手工制，肉質紮實而份量足，有濃郁的牛肉味，入面仲有：煙肉、番茄、芝士、生菜同埋Hero醬，入面仲有太陽蛋，咬落去香濃蛋汁溢出✌🏻確實足料、惹味，誠意十足。