Video
Read full review
2008-05-20
12 views
昨晚落雨濕漉漉咁，打消了食壽司的念頭，結果又再來幫趁魚米家呢！二人今次叫了大蝦魚湯米線$45+魚翅海味米線$58大蝦魚湯米線的水準與我上次第一次幫趁時差不多，不過提醒一句就係因為大蝦係沾漿落鑊爆過，所以趁早食為佳，掛住食米線的話就會愈浸愈稔。講返我那個魚翅海味米線，當初我揀這個時係基於menu沒有我心目中想要的海鮮配料，我才不會貪心奢望它會有魚翅啦！hahaha~由落單開始我已視作粉絲架咋！咁個魚翅海味米線都尚算足料，又冬菇、雞肉碎、鮑魚條和有一小撮魚翅咁啦！(圖片箭咀那一細執)當我第一次夾起鮑魚條咀嚼時，我就忍唔住怪叫：下！？會有鮑魚條！？罐頭都好丫~係咪我食錯！？跟住我就準備夾起俾同我一齊食那位試下…佢未食時仲推左我個頭一下話：哼~鮑魚，食懞左妳囉！有冇食真架妳！？到佢食左後又自圓其說話：咦~又真係真架喎！<- 我不屑！至於當中的魚翅，咁我一世人又真係食過幾次真的魚翅…因為屋企人真係試過成支鰭原整咁買返黎燴，過程中又浸又啤水超級煩，咁記憶中的魚翅就唔係完全像粉絲咁滑身，係有少許粗糙的click口感…hahah~回想起又成攤口水喇！咁今次平民價都有數條既，其餘都係煙煙韌韌像粉
二人今次叫了大蝦魚湯米線$45+魚翅海味米線$58
大蝦魚湯米線的水準與我上次第一次幫趁時差不多，不過提醒一句就係因為大蝦係沾漿落鑊爆過，所以趁早食為佳，掛住食米線的話就會愈浸愈稔。
講返我那個魚翅海味米線，當初我揀這個時係基於menu沒有我心目中想要的海鮮配料，我才不會貪心奢望它會有魚翅啦！hahaha~由落單開始我已視作粉絲架咋！
咁個魚翅海味米線都尚算足料，又冬菇、雞肉碎、鮑魚條和有一小撮魚翅咁啦！(圖片箭咀那一細執)
當我第一次夾起鮑魚條咀嚼時，我就忍唔住怪叫：下！？會有鮑魚條！？罐頭都好丫~係咪我食錯！？跟住我就準備夾起俾同我一齊食那位試下…佢未食時仲推左我個頭一下話：哼~鮑魚，食懞左妳囉！有冇食真架妳！？到佢食左後又自圓其說話：咦~又真係真架喎！<- 我不屑！
至於當中的魚翅，咁我一世人又真係食過幾次真的魚翅…因為屋企人真係試過成支鰭原整咁買返黎燴，過程中又浸又啤水超級煩，咁記憶中的魚翅就唔係完全像粉絲咁滑身，係有少許粗糙的click口感…hahah~回想起又成攤口水喇！
咁今次平民價都有數條既，其餘都係煙煙韌韌像粉絲的晶體狀絲條…咁個米線初初一上枱時真係隨著熱蒸氣有一股街巿的魚腥味，但食了一兩注米線後又消失了。平日屋企我係唔食熟魚、蒸魚咁啦！
反而我真係最欣賞個米線同湯，雞肉碎餚到個湯超甜喎！個米線滑得黎又唔稔，剛好。湯底就最後飲剩三分一，返到屋企沒口渴~咁對於我這個一星期出兩三次街晚飯的人來講都算係咁！
食後感：
對於我這種唔鍾意食魚腐的人來講，大蝦魚湯米線會係海鮮配料中其中一個唔錯的選擇，$45蚊比起我那個魚翅米線來得經濟抵食，因為我選的那個魚翅米線當中的配料成本照計係貴過大蝦米線那款，所以我覺得魚翅那款的米線數量係比大蝦那款米線少咁囉！
沒加一，服務仍然唔錯，我離開時個年青男侍應仲同我講byebye，收銀個阿姐都對我有笑容咁囉！
有機會都會再食，清清地食個米線都ok架！地方坐得都舒服，呢度又唔算客都冇個，但又唔會好似太興嗰類茶餐廳咁多人個個出出入入咁。
p.s.連續兩次幫趁我都落半茶匙少許的辣椒醬都覺得幾正~醒神ya！:
兩人共$103
Post
