之前新開見茶記無咩特別無入去. 睇食評見到個, 記住, 係4.3牛奶炒滑蛋叉燒蝦仁雙併飯, 好吸引, 所以去食.
個蛋係好似頂帽咁COM住D飯, 垂直一羹, 有蛋同豉油飯,好好味呀, 令我諗起日本蛋包飯. 好滿足. 我平時戒CARB唔食飯, 為咗佢破戒, 無所謂啦, 做返運動囉.
老公叫咗午玖(午餐9), 個羅宋湯好似魚蛋粉咁大碗(係講得誇張咗), 好多料, 個茄牛通先精彩, 係茄蓉呀, 滿滿嘅茄蓉呀, 我搶食咗幾啖. 我食過好多茄牛通, 最鐘意呢個. 有D係蕃茄加水, 有D係林茄湯, 茄蓉第一次食, 我估係用攪拌機攪, 好有口感. 我鐘意. 多士係麥粉做, 配上樽仔朱奶.
我覺得呢個價錢係高質茶記. 如果以後搬咗返黎大圍, 我一定會再食呢兩樣野.
新開試業好似打仗, 職員好忙呀, 每遞上一樣野都會CONFIRM係咪叫咗呀, 好盡責.
