韓之美食 (Closed)

今日中午可以只同媽媽細妹食, 爽! 梗係揀d平時想食又食唔到ge野拉! 點解平時食唔到, 因為貪心又大食ge父親一定會動火! 呢度d 野食份量過少, 例如湯, 個碗唔大都可以bug左唔夠半碗比你, 又例如餸, 可憐到得果幾粒肉, 我係要靠撈汁食飯, 泡菜就更加唔洗講, 收$48一個set, 有杯野飲又點? 元朗喎, 你份量又唔係多, 服務態度又差, 佢鍾意同你講野就笑騎騎, 冇興趣同你講野就目口目面, 莫非係korean style我呢d香港人唔習慣?
我會比個喊佢, 但我應該會再黎食, 一黎我都叫住附近, 二黎佢食物質素有值得讚ge地方, 先睇相

1

拌菜真係好好味, 我叫左三個set可以揀6款: 芽菜, 蘿蔔*2, 青瓜, 生魷魚(勁辣), 泡菜
我想講個芽菜, 好多地方都整得幾好食, 因為靠麻油香, 呢度比其他人出色: 1. 其他人過生, 佢爽得黎岩岩好 2. 除左麻油香仲有落其實調味, 令味道香之外更豐富
另外想讚兩種汁: 1. 炸醬 佢令我由好憎變到好鍾意, 我食過有間好難食, 同佢味道好大出入, 當然佢ge炸醬味其他有d舖頭我都食到 2. 特辣 食落好似係泡菜隻韓國辣醬味, 但唔知點解我覺得特辣更香, 係因為辣定真係多左種疑似蒜香味?
希望我下一次寫食評係比ok甚至笑拉, 最希望改善服務態度, 唔明食野點解要受氣? 你話我好麻煩諸多要求就話啫