Japan Boat

以往係香港有好多間O既日之船而家愈黎愈少見, 而家比較方便去到O既就得返旺角呢間。由細就有幫襯開O既我就近排特登去食一食, 回味一下。
價錢上, 呢幾年物價係咁升, 而家升到$20一盒(6粒), 都尚可接受。但係味道上我覺得比一般香港普通食肆黎得好食得多。

日式章魚小丸子

$20

粒粒燒好O既八爪魚, 會加上燒汁﹑ 沙津醬同柴魚片, 可以自己決定加唔加芥末醬, 覺得唔夠都可以叫職員幫你加少少。甜甜地O既燒汁幫八爪魚丸加左唔少分, 八爪魚丸入面仲包有少少菜, 脆口o既菜令到八爪魚丸加多一層口感, 唔會只係食到粉同八爪魚。

日式章魚小丸子

$20

可以睇到, 八爪魚丸入面O既八爪魚都好大粒, 食落去好有口感好彈牙, 比一般街邊O既店鋪抵食得多。

但係唔好O既地方就係近馬路同門口對出有垃圾筒, 同食肆唔係好夾, 拎完就好走啦。