煌府婚宴專門店 (Closed)

今日去咗尼間飲茶，真心唔得首先嚟咗皮蛋瘦肉粥同咸水角。皮蛋瘦肉粥近乎無肉同只有少少皮蛋白碎。更過分既係成碗粥係凍既。我話凍既意思唔係唔夠熱，而係好似室溫既凍水咁凍。因為公公中意食粥，所以我第一個就裝比佢。佢食咗啖話凍既，我以為佢意思係唔夠熱。點知我食一啖。。竟然可以凍到咁，真係難以置信。咸水角大家睇相都可以見到，炸到表面起哂卜卜，用紙巾印一印，非常多油。食完之後亦見到張金色紙上面有成氹油。大家睇相唔會好睇到既係佢地好細粒，味道亦唔夠濃。再嚟有近乎無蝦米既蝦米腸+不足既甜醬蔴醬叉燒包有頭髮同不明黑色物體蝦餃ok豬腳薑既豬腳全部都係骨，幸好味道ok蟹柳薄餅煙韌，好食，但係唔明點解叫做蟹柳薄餅，成樣嘢根本無蟹柳。今餐真心接受唔到。