Video
Read full review
2020-10-15
100 views
餐廳裝潢極富台風，再加上食嘢嗰陣聽住餐廳內播放嘅蘇打綠蔡健雅張震嶽等，已經好有台灣的氛圍。蘋果鹽酥雞，鹽酥雞食過好多，第一次接觸到係連埋蘋果一齊食嘅，見到餐牌咁特別便沒有不點的理由，鹽酥雞外脆內嫩，唔會太鹹，連埋蘋果一齊食，味道清新得嚟叫人驚喜。台式香蒜腸，台式香腸上到枱嘅時候仲係熱辣辣，脆卜卜嘅腸衣同埋裏面三分肥七分瘦嘅腸肉，同台灣食到嘅味道一樣，就連上面嘅蒜片都秉承咗台灣嘅原味，蒜味特別勁同埋特別辣，香港點解搵唔到呢雙辣蒜嘅呢?香炸花枝丸併貢丸，外層炸得香脆，但係內裏仍然保持住水濶 juicy，有啲唔夠喉嘅感覺。素雞雞腎冬粉，一嚟到先呷一啖湯底，師大夜市嘅風味果然不同凡響，鹵水味道香濃而帶少少嘅甜味，味道令人陶醉；雞腎口感比坊間一般嘅更加爽脆，素雞口感紮實，有香濃嘅豆味，不可多得。金菇、甜不辣、大豆皮、雞翅淨餸，因應伴侶陳倩揚 ing嘅關係，第二碗嗌咗個淨餸俾佢，無辣不歡嘅佢叫店員攞咗一碟辣椒油嚟，落咗辣椒油令到整個食味層次又更加豐富咗，甜不辣口感煙韌彈牙，大豆皮索盡湯汁，加上辣椒油嘅加持，相當刺激。滷肉飯，滷肉飯上枱嘅時候香氣四溢，味道仲同喺台灣食到嘅有八成像，如果多啲肥豬肉相信
餐廳裝潢極富台風，再加上食嘢嗰陣聽住餐廳內播放嘅蘇打綠蔡健雅張震嶽等，已經好有台灣的氛圍。
蘋果鹽酥雞，鹽酥雞食過好多，第一次接觸到係連埋蘋果一齊食嘅，見到餐牌咁特別便沒有不點的理由，鹽酥雞外脆內嫩，唔會太鹹，連埋蘋果一齊食，味道清新得嚟叫人驚喜。
台式香蒜腸，台式香腸上到枱嘅時候仲係熱辣辣，脆卜卜嘅腸衣同埋裏面三分肥七分瘦嘅腸肉，同台灣食到嘅味道一樣，就連上面嘅蒜片都秉承咗台灣嘅原味，蒜味特別勁同埋特別辣，香港點解搵唔到呢雙辣蒜嘅呢?
香炸花枝丸併貢丸，外層炸得香脆，但係內裏仍然保持住水濶 juicy，有啲唔夠喉嘅感覺。
素雞雞腎冬粉，一嚟到先呷一啖湯底，師大夜市嘅風味果然不同凡響，鹵水味道香濃而帶少少嘅甜味，味道令人陶醉；雞腎口感比坊間一般嘅更加爽脆，素雞口感紮實，有香濃嘅豆味，不可多得。
金菇、甜不辣、大豆皮、雞翅淨餸，因應伴侶陳倩揚 ing嘅關係，第二碗嗌咗個淨餸俾佢，無辣不歡嘅佢叫店員攞咗一碟辣椒油嚟，落咗辣椒油令到整個食味層次又更加豐富咗，甜不辣口感煙韌彈牙，大豆皮索盡湯汁，加上辣椒油嘅加持，相當刺激。
滷肉飯，滷肉飯上枱嘅時候香氣四溢，味道仲同喺台灣食到嘅有八成像，如果多啲肥豬肉相信會更加美味。
Post
