大一海鮮火鍋料理 (Moved) New Location

另點火鍋料的火鍋店一般都是質素比任食高，只因每碟逐份計，價錢相對貴D，但其實多朋友一齊食比較化算松露芝士味墨魚丸力推，一睇外表就自家製，依個配搭好得，黑松露既味並冇比芝士同墨魚既味覆蓋左，成件事好夾。墨魚丸好爽口彈牙，仲食到粒粒墨魚肉，好好食！牛根丸又好彈牙，有時咬開仲有d汁咇出黎，好高質！打邊爐就一定要食牛，牛就色水就有點深但係食落時候有好濃牛既味道，不錯！年糕福袋有得食，年糕十分煙韌，配上那個腐皮簡直一流，成個福袋都好飽滿竹笙大大條而且食落十分爽口，當佢吸哂湯底既味道既時候真係一流，每條都好Juicy！其實另外亦因為有一般任食火鍋都冇既野食，有時想要既話一次半次過過口癮都好，呢度每樣食物都有質素既保證