Read full review
2017-01-21
6858 views
名人坊位於九如坊的蘭桂坊酒店，明明很近，偏偏我去到很遠，因為我以為是中環的蘭桂坊酒店，去到酒店大堂打給朋友。。。。頂！去錯。半個小時後終於嚟到，再細心睇食評原來呢一間餐廳已經攞咗米之蓮星級好多年啊。呢度嘅中菜與別不同，能夠從傳統破格，變化出更加美味的高級粵菜。先來嘅有贈送的煎蘿蔔糕，最欣賞嘅就係佢懂得利用香港最地道的風味，就係呢個橙色的辣椒醬，乾炒牛河永遠佢都會出現，配搭蘿蔔糕係一絕嘅！第一道菜來的係蛋白蒸蟹鉗，自己覺得呢就冇禮賓府嘅花雕蒸蟹鉗咁出色，但係呢蛋白蒸得香滑，味道調校得剛好，配上新鮮的大蟹鉗，已經令人印象深刻。接着嘅係得奬名菜海鮮百寶盒，做得精細美味，口感鬆化，海鮮份量亦都好多。係一個不錯嘅開胃前菜。(八寶盒係要預先訂制，有興趣嘅話一定要打電話去訂)然後就係呢一個砂鍋焗筒蠔，筒蠔炸完再焗都依然10分大隻，外邊脆帶點點汁，裏面係先甜嘅蠔味。惹味。而且份量很多，足料之作，味道唔會過火，剛好同蠔嘅鮮味相輔相成。另一個精彩彩色就係呢度嘅走地雞，香港嘅走地雞已經買少見少，呢度嘅走地雞肉質鮮嫩，但仍然富有口感，走地雞做過運動果然唔同啲，皮嘅脂肪唔會太多，薄薄的雞皮食落去更加美味，做法能
半個小時後終於嚟到，再細心睇食評原來呢一間餐廳已經攞咗米之蓮星級好多年啊。呢度嘅中菜與別不同，能夠從傳統破格，變化出更加美味的高級粵菜。
先來嘅有贈送的煎蘿蔔糕，最欣賞嘅就係佢懂得利用香港最地道的風味，就係呢個橙色的辣椒醬，乾炒牛河永遠佢都會出現，配搭蘿蔔糕係一絕嘅！
第一道菜來的係蛋白蒸蟹鉗，自己覺得呢就冇禮賓府嘅花雕蒸蟹鉗咁出色，但係呢蛋白蒸得香滑，味道調校得剛好，配上新鮮的大蟹鉗，已經令人印象深刻。
接着嘅係得奬名菜海鮮百寶盒，做得精細美味，口感鬆化，海鮮份量亦都好多。係一個不錯嘅開胃前菜。(八寶盒係要預先訂制，有興趣嘅話一定要打電話去訂)
然後就係呢一個砂鍋焗筒蠔，筒蠔炸完再焗都依然10分大隻，外邊脆帶點點汁，裏面係先甜嘅蠔味。惹味。而且份量很多，足料之作，味道唔會過火，剛好同蠔嘅鮮味相輔相成。
另一個精彩彩色就係呢度嘅走地雞，香港嘅走地雞已經買少見少，呢度嘅走地雞肉質鮮嫩，但仍然富有口感，走地雞做過運動果然唔同啲，皮嘅脂肪唔會太多，薄薄的雞皮食落去更加美味，做法能夠保持走地雞的鮮甜，而且大少少鹹味令味道更加突出。呢一個都係要訂咖！
當晚仲飲左一個驚喜嘅紅酒，幫我地探討緊點解呢佢要指名係未知邊一地種嘅提子，朋友就係呢度講笑啦！原來特別寫明邊一塊田種出嚟嘅提子去釀製，係特別精彩咖！配上走地雞同埋焗蠔，都能凸顯出邊一個紅酒嘅味道。一個好好嘅matching .
菜呢我哋就點左呢一個上湯扒豆苗，我本身好鍾意食豆苗，生熟到剛好唔會太老，吃得出菜嘅綠油油感覺，只需要配上少少嘅瑤柱絲同埋上湯已經10分美味。
甜品都係另外一個驚喜之作，天山雪蓮配蓮子糖水，青得來夠滋潤，仲有美味嘅柚同埋水果，為晚飯畫上完美句號。簡單到一碟蘿蔔糕或者一夾炒菜，都做得細緻而且係食物味道配搭上面下定功夫，怪不得能夠多年維持米之蓮質素，事實上呢度食嘅唔係去到好高級嘅食物，反而簡簡單單，小菜三幾款都食得出廚師的真味。
Post
