位於皇后大道西嘅搵啖食，出邊有點心，燒賣魚蛋腸粉，裏便呢就係買車仔麵
附近開得越來越多西餐，呢啲街邊車仔麵檔變得越來越少，但係其實附近呢辦公室同埋學校都幾多架！每一個地區都真係需要有啲雲吞麵呀車仔麵咁嘅店！
是一點左呢個車仔麵一嚟到真係好車仔，我點左朱紅牛筋腩雞翼尖配通才嘅烏冬。所有食物嘅顏色最大特色就係啡色！除咗菜之外全部野基本上都係同一隻顏色！
咁都係事實來的，我哋由細到大食嘅車仔麵大部份都係啡色架啦！難道我哋仲要睇佢嘅顏色配搭？
牛腩軟林，份量夠多，豬紅有口感，配上份量極多嘅通才，只係略嫌雞翼尖明顯見到有瘀血。。。質量就下乾咗啦！
點少得嘅就係由細到大食嘅嗰種，實在唔係烏冬質感的烏冬呢？現在我哋識得追求到庭烏冬，手打烏冬，其實細細個嘅時候咪就係食緊個種。。。大概我形容唔到嗰一種小時候嘅烏冬係咩質感，不過有食過的你，自然會懂的。。。
