La Famille (Closed)

懷着十分高嘅期望，原來真係只會帶來失望。 點咗一個 Special Set For Two, 揀咗兩個戚風蛋糕： 法國香梨無花果及雙重朱古力。 先吃法國香梨無花果， 冇味， 完全食唔到梨嘅味道亦都食唔到無花果嘅味道。 之後食雙重朱古力， 感覺用料十分差，朱古力味道太平價。 可以讚嘅地方就係蛋糕底部係好鬆， 入口軟綿綿。 蛋糕裏面嘅cream都很不錯。 餐廳嘅地方好細吓，因為疫情所以餐廳裏面唔係好多人，所以坐得舒服， 亦都可以欣賞到佢優雅精緻既設計同佈置。 見到係放咗啲心機。 我相信咁多人like佢係因為佢嘅蛋糕件件都整得好靚，相機影出嚟十分吸引， 但可惜味道食落去非常一般，只可以話佢比美心東海堂好少少。