Video
Read full review
2023-06-24
1741 views
似乎都有好一段日子沒分享自助餐了，實在有點心癢癢的。月前就去了海景嘉福酒店的 Cafe on M，無他，因為好想食 Buffet 嘛！近排大家蜂擁而至去日本，講真，我就無錢去日本，但偶爾食兩餐日本野都仲得，而當日 Buffet 主題正是沖繩菜色。海鮮有加拿大鱈場蟹腳、咖啡蟹、海蜆、小龍蝦、翡翠螺及青口，種類多質素好，掃一盤毫無難度。刺身有北海道帆立貝、甜蝦、三文魚、吞拿魚及鯛魚，解凍處理得好好，毫無令人討厭的雪味，我鍾意。除了刺身，大家要試自家製櫻花蝦燒玉子，充滿了櫻花蝦獨有氣味，玉子又做得juicy。另一道必食就一定係火炙北海道帶子壽司，帶子肉質柔嫩，帶火炙過的香氣，好味。仲有沖繩特式壽司、壽司卷以及雜錦壽司。炸物區吉列日本北海道十勝豚肉眼扒必食之一，炸得啱啱好，外脆內嫩，充滿了肉汁。仲有沖繩紅芋可樂餅以及沖繩阿古豚可樂餅，喜歡炸物的朋友，記得配返罐啤酒呀！熱葷沖繩苦瓜蟹肉炒桂花素翅自己一向有食苦瓜來降血糖，沖繩苦瓜爽脆的口感，又的確好好味，用來炒蟹肉及素翅，口感更佳。沖繩大根清湯牛腩大根清甜入味，牛腩炆得夠稔，湯底清甜，如果可以用上伊麵底就更正。清蒸比目魚超大條，啖啖肉，火喉又恰到
月前就去了海景嘉福酒店的 Cafe on M，無他，因為好想食 Buffet 嘛！近排大家蜂擁而至去日本，講真，我就無錢去日本，但偶爾食兩餐日本野都仲得，而當日 Buffet 主題正是沖繩菜色。
海鮮有加拿大鱈場蟹腳、咖啡蟹、海蜆、小龍蝦、翡翠螺及青口，種類多質素好，掃一盤毫無難度。
刺身有北海道帆立貝、甜蝦、三文魚、吞拿魚及鯛魚，解凍處理得好好，毫無令人討厭的雪味，我鍾意。
除了刺身，大家要試自家製櫻花蝦燒玉子，充滿了櫻花蝦獨有氣味，玉子又做得juicy。
另一道必食就一定係火炙北海道帶子壽司，帶子肉質柔嫩，帶火炙過的香氣，好味。仲有沖繩特式壽司、壽司卷以及雜錦壽司。
炸物區
吉列日本北海道十勝豚肉眼扒
必食之一，炸得啱啱好，外脆內嫩，充滿了肉汁。
仲有沖繩紅芋可樂餅以及沖繩阿古豚可樂餅，喜歡炸物的朋友，記得配返罐啤酒呀！熱葷
沖繩苦瓜蟹肉炒桂花素翅
自己一向有食苦瓜來降血糖，沖繩苦瓜爽脆的口感，又的確好好味，用來炒蟹肉及素翅，口感更佳。
沖繩大根清湯牛腩大根清甜入味，牛腩炆得夠稔，湯底清甜，如果可以用上伊麵底就更正。
清蒸比目魚
超大條，啖啖肉，火喉又恰到好處，就算經常比人圍攻，但refill得幾快。
加試日式鰻魚炒飯同埋泰式雞飯，兩者都好受歡迎。
其實紅酒燴和牛面、印式蔬菜咖喱、牛油咖喱雞加上羊肉串，真係好啱送白飯，幾款菜色用來撈汁一流。每晚到了7點左右，又有即燒乳豬供應，大家真係要記得。
當然亦不能錯過蜜汁叉燒同燒腩仔，都係自家出品，有保證。Carving Station
若果是牛魔皇，除了可來一片香烤牛臀肉外，不妨加配一件烤菠蘿，因為天然的果酸，正好平衡了油香。
至於韓式燒牛仔骨又係我另一款喜歡的菜色。
加上香煎紐西蘭羊排、日式鹽燒咸牛舌、日式燒雞肉大蔥串和香煎三文魚，同行的朋友都一致好評。麵檔
喜歡澱粉質朋友，又有特製的沖繩豚三枚肉。
不妨來一碗日本北海道十勝豚腩肉
北海道帆立貝沖繩蘿蔔沖繩拉麵湯
湯
必飲燉湯係花旗參百合燉瘦肉，甘甜清澈，天時暑熱最啱飲。
另外中西湯係櫻花蝦蜆肉周打忌廉湯及泰式冬陰功湯，兩款都係自助餐中少見。
Cold Cut及芝士有巴馬火腿、雜錦凍肉拼盤、Cheese Platter、挪威煙三文魚、泰式木瓜沙律、沖繩豬耳沙律花生芝麻醬及沖繩苦瓜片配蜜糖。
甜品
首選當然係 Häagen-Dazs 杯裝雪糕，一整個專櫃，放滿了雪糕，夠晒衛生，仲要有 Vanilla、Strawberries & Cream、Caramel Biscuit & Cream、Cookies & Cream、Macadamia Nut以及Twist & Crunch，口味好多。
Cafe on M 本身甜品已經好出色，今次主打日本食品，甜品當然係其中主力。
數一數，已經有櫻花士多啤梨朱古力蛋糕、日本綠茶千層蛋糕、日本紫薯撻、沖繩紫薯戚風蛋糕、北海道柚子芝士蛋糕同埋北海道牛奶忌廉麵包布甸。其中最愛日本綠茶千層蛋糕及柚子芝士蛋糕。
其他仲有朱古力脆脆蛋糕、泡芙、歌劇院蛋糕、桂花糕及葡撻，甜品種類好多，單單食甜品已經夠飽。
另外，又可以五款梅酒中選擇一款，喜歡的，更可以買走。
Post
