話說某夜又唔係太肚餓，又唔想太破費去食野，咁就O岩曬啦，記得點點心係旺角開左要試下啦。黎到唔洗等位，即係坐低。
坐低果位發覺張椅又幾闊WOW
，可能店員見我拉住個行季入去招呼特別好O既感覺XD
。應該以為我地係旅客，又問我地係唔係第一次黎之後介紹D 野食比我地咁。
因為講真唔太肚餓，叫左3樣自己想試就算。
海鮮卷
包到成條春卷咁，上桌時夠熱，仲要辣親咀果種熱，不過略為覺得入面料唔多同埋沙律醬比較稀。不過夠熱可以補夠到以上問題。
1
藥膳荷香雞配糯米飯底
個名其實好吸引所以叫黎試一下，黎到其實原來同糯米雞分開上咁上下。至於藥膳呢方面呢........除左個名之外其實我感覺唔到.......。不過食起上黎咁唔係差的，個糯米飯底吸曬D 雞油同雞味所以唔差的，不過我食得咁油利o既人都覺得呢個油左小小。
1
脆皮鮮蝦腸
呢款點心最後黎，唔知係唔係因為要保持入面夠脆，所以表面o既粉皮唔太熱的。不過勝在都唔厚。豉油另上服務貼心，一食又的確幾鬼脆，蝦肉又夠大粒每一件都有蝦肉唔會走雞。特別係幾特別，但未至於一定要再食。下次黎我會再試下其他野，但未試過的話值得一試。
ps:放左成15分鐘再食都好夠脆的。呢方面做得幾好。
