大滿足 (Moved) New Location

看著餐牌想了很久，本來想叫手卷，但最後改變主意點了這個滿足山。魚生堆成一座山，色彩鮮豔又豐富，很吸引。落完單，不消1分鐘，就聽到叫號。心想，咁快! 恕我由這裡開始用口語，實在不能文縐縐地描述之後的感受。行過去拎，見到枱面放左兜野，見到顏色沉沉，「唔係我嘅下嘛?!」拎完行去附近既空位，好疑惑咁望住手上既物體，「明明張圖有海膽嫁」男友指一指，「咪有海膽」係喎，唔好再少了，圖片與實物完全不符。見到佢既顏色，好奇係咩品種既海膽。試在一細啖，少少甜，少少酸，好彩佢比得咁少。再撩下堆魚生，賣相差到連我個咩都食既男朋友都話不如dum左佢。d魚生擺明係切剩既頭頭尾尾，壓實一堆。只見男友三扒兩啖不斷咁食，跟住比返我，「我夠啦，你食埋佢啦」原來佢食哂D飯。雖然D飯好硬，但醋味正常，而且最穩陣。唔想浪費食物，合埋眼吞左大半，已經覺得對得住d魚同八爪魚。本來都唔奢望佢新鮮，但食完之後只係希望唔好肚痛。