上個禮拜日夜晚，同男朋友兩個人去咗元朗覓食，揀咗呢間韓泰太。入到去地方幾闊落，唔會好迫挾。燈光光猛得嚟又幾柔和，坐得幾舒服😌，好啱兩個人撐枱腳傾下偈。
韓泰太炭燒窯雞 ❤️❤️❤️❤️♡
呢個窯雞一上枱，個樣都幾有睇頭！成隻雞熱辣辣，店員會幫手剪開，好貼心。塊雞皮燒到金黃色，食落有啲脆口，肉質就好滑溜，一啲都唔嚡。食落有淡淡嘅炭燒香味，調味唔會太重手，點埋佢個特製嘅酸甜醬汁，成件事就更加開胃，好食過就咁食好多。成晚嘅重點就係佢喇。
韓式燒肉配料任選 ❤️❤️❤️♡
跟住就係燒肉環節啦🔥。佢啲肉類選擇都算多，有五花腩、牛頸脊、雞肉等等。我哋主攻五花腩，燒到啲油出晒嚟，焦香焦香咁，再用生菜包住食，加埋泡菜同蒜片，口感豐富，可以減低油膩感。不過啲肉嘅醃味就比較大路，唔算話好突出。反而佢啲配菜，好似泡菜同芽菜，酸辣度啱啱好，夾住啲肉一齊食，可以提升返個層次感。
炭燒生蠔 ❤️❤️❤️
晚市送嘅炭燒生蠔，每人有兩隻🦪。蠔身唔算好大隻，不過都幾新鮮，冇乜腥味。上面鋪滿蒜蓉同埋少少辣椒絲，燒過之後好香口。蒜蓉嘅香味蓋過咗大部分海水味，食落幾惹味。作為贈品嚟講，算係有誠意嘅，味道都唔錯，為呢餐飯加咗分。汽水同雪糕就係自助形式，食完燒肉食返杯雪糕，感覺好完滿。
1
總括嚟講，呢餐晚飯都食得幾滿足。三百幾蚊一個人，有雞食有燒肉，仲有野飲雪糕任攞，性價比算係幾好嘅👍。環境坐得舒服，慢慢食慢慢傾偈都冇問題。食物水準都幾穩定，雖然唔係樣樣都拎滿分，但成餐飯嘅體驗係開心嘅，食到捧住個肚走🥰。
