Appétit

本來同朋友去隔離個間食 點知咁岩收左 個員工就叫我地幫襯下呢間
一坐低眼見張枱仲有成劈cream係到
個員工眼都唔眨就成張Menu達落去 我哋當堂打咗突
我地嗌左幾杯野飲幾個窩夫 佢地見枱號岩就放低
仲好大力成隻碗掟落黎 問佢咩黎 佢居然黑人問號返我地？？？？
明明嗌班蘭芒果窩夫 佢放低個有芋圓既窩夫話係芒果
問佢係唔係芒果 佢望都無望就話係
餐具又無比 問佢拎 就比成十幾隻叉同刀
之後黎個啲窩夫又比幾隻叉幾隻刀 成枱都係餐具 真係好神奇
員工顧住傾計禁電話 極度無禮貌 吱都唔笑 好似得罪佢咁
窩夫仲要甜到嘔 唯一優點係個雞軟骨幾好食 無啦完.......