一鍋瘋 (Closed)

其實我係一心想去食粥底火鍋呢間都係粥底火鍋 不過唔係我心目中嗰種哈哈哈一黎到就可以揀湯先 有五款湯 甘荀粟米椰子菠菜紫薯咁見到白色既會係椰子 綠色既就會係菠菜 四個人除左甘荀都嗌齊 小妹建議椰子會好啲因為紫薯唔算真係重紫薯味 粟米咁稀個感覺又怪怪地椰子會香啲 同冇咁死甜既感覺四個人 所以每款都係四份分得都好仔細 擺盤都擺得好靚魚個厚度都差唔多 都唔係拖刀 冇痴埋蝦每人兩隻 魚每人兩塊 蟹殼每人半邊 鮑魚 蚌 北寄貝 生蠔每人一隻咁因爲係一人一煲 所以都係自己食返自己嗰份食咩先同整幾耐佢有張野痴喺道教你不過我冇咩所謂先後就唔咁執著啦！！！基本上海鮮食落都似新鮮既同其實都抵食 百零蚊真係食得飽不過部分貝殼類既吐沙唔清！食到我成口同成碗沙！好啦我認我一開始冇睇清楚冇錯！我食左一半海鮮先發現碗湯一粒米碎都冇原來佢個粥底係你食完哂海鮮再有糊仔比你加落去 咁就可以比米吸下啲海鮮湯既鮮味仲有芋頭粒同南瓜粒可以放落剩低個湯道咁就變成粥底啦紫薯個湯本身都偏淡變左粥底都係唔太夠味 推薦加啲豉油落去 一黎好似冇咁腥二黎即係有返啲味咁係真係好飽肚既 因為芋頭南瓜同糊仔都任加係抵食既