今次我哋因為都幾多人所以嗌咗567個菜，因為book咗位嘅關係我哋唔使等，但大家留意番如果超過八人，就要準備定快測棒先可以入場。
間餐廳唔算大，但係都好有韓國小店風味，我哋叫咗個芝士蛋糕卷同埋芝士辣雞炒年糕做頭盤，呢度啲芝士都真係幾好食，應該係用咗水牛車打芝士。
食埋個海鮮蔥餅就進入主菜，我哋叫咗三款比較多人叫嘅炸雞，分別有呢度最出名嘅原味炸雞，甜辣炸雞，同埋芝士調味炸雞。🍗
整體來講我覺得都幾好味，而且佢啲酸辣程度唔算太誇張，芝士亦係佢哋嘅主打特色之一，最後我哋叫咗幾款唔同嘅韓國飲品，例如有一隻係韓國嘅特色米酒，但係唔記得咗影相所以就冇show出嚟。
