Mikoshi Japanese Restaurant

9個同事收工去食放題，冇約定架，即興去食，都係去旺角，去左呢間叫神輿，9個人要分兩張枱坐，但彼此都好近，冇咩影響。

1

$238一位，免收加一:)

落單就scan張單個QR code，用手機落單，都幾方便，啲野都黎得快，可能其中原因係唔多人

2

食放題保本都係食刺身為主，刺身唔好就咩都唔駛講架喇:)依個價$238，我覺得還可以，款款質素都正常，係切得較薄，切得太厚蝕本


刺身款式都算多，有啲唔係間間有例如赤貝、馬刀貝、油甘魚呢啲都有


佢啲帶子，赤貝、馬刀貝算鮮味，唔錯

1

佢仲有幾張海膽壽司同手卷嘅紙，係俾你另外寫嘅，質素可以，因為呢個價好難俾到啲好靚嘅海膽你，但海膽個原味都喺返度，唔會有咩異味先，啲顏色金金黃黃算對辦


其他野食種類唔詳細講喇啲煲類、串燒、冷盤小食都有基本水準，絕對試得過

飲品種類都多，汽水、烏龍茶都有。

出面仲有甜品同雪糕攞，雪糕仲好多味，但我冇食，係同事食