炑八韓烤 (青衣城1)

Open Now

Now Closed

想食燒肉但又唔知食邊間嘅話，唔使多諗，食炑八就實冇死，我次次嚟都好鍾意食佢嘅粟米芝士同埋窩邊蛋，可以無限任食真係好正。佢而家應該係做緊慶洲豚肉set，唔想煩嘅就直接揀呢個，$698呢個慶洲勝利豚套餐豬牛海鮮乜都齊，仲有一個辣炒年糕墊底實夠飽🥴呢個餐嘅牛舌同埋韓牛前胸肉好高汁，2個燒到出黎都好滿意，醃料味唔會遮蓋住肉嘅本身，韓牛亦充滿油脂香。慶洲2款豚肉五花肉同埋豬面肉夾住生菜同蒜食真係一流，而且份量一啲都唔係講笑，最後嘅2款海鮮都係極厚切同好爽彈🤤辣炒年糕本身以為係為左塞飽個肚就算，但佢嘅口味好啱我，韓式辣醬嘅香同香港人口味嘅小辣，不知不覺清埋碟，除左年糕仲有魚糕片🥴叫埋2杯嘢飲，燒住肉飲一流，不過就小貴，如果個餐包埋嘢飲就抵食好多。