有日經過見到有間鋪頭大排長龍
唔係講笑起碼有十幾個以上排隊
原來係social media「海南雞飯關注組」出名名店
依間主打溫泉海南雞
提提大家要食要早少少排隊～
🐣 溫泉雞胸柳套餐 + 溫泉雞下庄餐
套餐配無味精靚湯 + 醬油小黃瓜 + 三色醬汁
無骨設計啱晒懶人
溫泉雞胸柳套餐包括雞胸、雞柳
溫泉雞下庄餐包括雞下髀
肉質嫩滑彈牙
雞皮有雞油香
雞下髀比胸柳更加滑同多汁
單食雞件會有鹹香味
配油飯岩岩好
唔夠濃味就蘸三色醬
三色醬包括黑醬油、辣醬、薑蓉
薑蓉磨到超細幼
同雞個味道好平衡唔會搶味
另外套餐配埋無味精靚湯
雞湯清甜唔油膩
100%無味精
有住家feel
飲落暖胃消膩
醬油小黃瓜
爽脆微甜微鹹
開胃解膩
同埋份量幾多～
🐷桑拿瑤柱肉餅
蒸肉餅加瑤柱粒
食落好香又有口感
肉質唔係碎晒嘅肉
係手打嗰種一塊塊咁
更加新鮮同鎖緊肉汁
推介要點！
🥗蒜香娃娃菜
清炒娃娃菜蒜蓉多汁
仲要啲菜超入味
食落有香口
推介要點！
🍞咖央多士
多士外層烤至金黃香脆
內裡夾住成塊牛油同塗滿咖央醬
甜度唔會太甜
牛油不會太膩
配冷泡烏龍茶解甜膩
烏龍茶飲落好清新
完美combo！
另外新出熱柚子蜜
亦都可以解膩暖胃
大家都可以試下～
值得一讚店員服務態度好好～
全日雞實驗所係旺角及北角都有分店～
