桃園眷村 (Closed)

戀戀桃園眷村放假日，為左令自己好似去左轉旅行咁，要周圍搵食。😋今日就食轉台灣野先。因為我訓大覺訓得太香，好晏先去搵食。好多鋪店都做緊下午茶了。不過都俾我搵到間台灣早餐-桃園眷村，燒餅飯團全日供應。😝我同覓食之友點左幾樣試下，食完都覺得好飽好味，抵食之選。✌🏼豬扒蛋燒餅塊豬肉好好食，夠晒juicy ，又鬆軟；燒餅夠晒香脆，係卜卜脆架，仲有生菜夾埋，十分推介。😃台式香腸蔥蛋飯團台式香腸好食就人人都知啦，切埋一半俾你拎上手食，方便你食之如，仲方便同人開心share。 鹹豆花材料足，有蝦米仔，菜甫，蔥，有少少辣味，更開胃；花豆花滑，一陣間就吸晒入口，我最鍾意個菜甫，好夾。🤩紅棗豆漿紅棗養生，豆漿健康，女士們大愛，豆香味好濃，帶有紅棗的香👍🏼黑丸瀑布豆漿黑糖珍珠奶茶飲得多，黑糖珍珠豆漿第一次試，珍珠好有咬口，甜度適中，凍飲但無冰，所以唔使擔心會被冰溝淡左杯野飲，幾時飲都係同一個味道。👍🏼飲飽食醉後，仲可以行埋街，地點一流。👣