戀上台式料理 (Closed)

將軍澳海濱長廊有一排食店，西式、日式、酒吧、咖啡店等都好多食店，食乜都好，最正莫過於坐喺海傍食嘢睇下風景，今晚就去呢間台式食店，一入去就見到一人一枱煙氣騰騰，爐端燒似乎令現場幾熱鬧。我地叫咗個牛肉拼盤爐端燒，分別有牛舌、牛肩胛、牛小排、牛胸復，我對牛冇乜講究，單從外觀難以辨別所有每個部位，牛舌容易認，其他難啲，反而望落去滿有雪花，外觀吸引，放係口咀嚼好不好味就最好。牛舌燒到稍變色，燒多兩下再點些柚子醬汁確係醒神，牛舌有啃勁幾爽口，係個人喜好之一，其他亦不錯，雖則拼盤成兩嚿幾，不過出面食亦差不多，所以覺得合理。另外叫碟冬菇，其實燒燒件冬菇好似好乾身，不過咬落去就feel到內裡嘅汁唧出嚟，口感有菇香，係幾特別。整體食物同服務不錯，而且環境唔侷促，輕鬆悠閑品嚐台式食物，可以彌補一下冇得去台灣嘅心靈。