戀上台式料理 (Closed)

舊同事搬咗去將軍澳新居入伙，佢帶我去樓下食嘢傾謁，台式料理係喜歡嘅食物，加上現場環境，感覺舒適休閒。松茸燉雞湯味鮮甜，加$18就有一盅。鵝肝蚵仔魯肉溏心蛋飯套餐$128好多料啊，幾塊鵝肝、脹卜卜蚵仔、半隻溏心蛋、多多肉燥、仲有2塊醃蘿蔔解膩。鵝肝煎得外脆內軟，蚵仔一粒一粒食唔停，好味。滷水雞翼帶有微香，肉質嫩滑。台式鹵豆腐味道清新又健康。蝶豆花草莓鮮奶冰 (+$25升級)顏色奪目，入口冰涼解渴。芝士爆漿脆雞扒配珍珠米飯套餐$108脆卜卜雞扒，肉質嫩滑有汁，配埋滿瀉嘅金黃色芝士，好邪惡呀！舊同事嘅雪崩珍珠朱古力 (+$28升級)，雪崩嘅雪係忌廉，上面係Oreo碎，佢話朱古力味香夾埋煙韌珍珠好過癮喎。