戀上台式料理 (Closed)

黎到將軍澳海濱，梗係要揀返一間半露天式、可以吹住風、見到靚景既餐廳chill下喇。［戀上台式料理］走新派既路線，果日見到酸菜魚、燒肉、台式小食都好多人叫呢。《鵝肝柯仔滷肉糖心蛋飯》呢個配搭齊曬所有好味既元素，兩塊煎鵝肝加大大粒嘅柯仔都好肥美香口，滷肉入味，送飯完全冇難度！《千層三星蔥拉餅》係令人懷念嘅台灣味道呀！一上枱已經聞到陣陣既蛋香，切開塊餅入面發現雖然可見既蔥唔算多，不過入口香蔥味適中，拉餅煙靭，記住要趁熱食先最滋味呀！《牛肉拼盤燒肉》呢個拼盤有四個唔同部位嘅牛，包括牛小排、牛胸腹、牛肩胛同牛舌！四款牛都有濃濃嘅牛味，睇油花就知牛肉嘅質素本身已經唔錯，牛舌亦都夠晒爽口！牛本身都有調味，所以就算唔點醬汁都相當夠味！《玫瑰荔枝鮮奶冰》（可少甜少冰）呢度既台式飲品幾乎係一人一杯，今次試左個特別啲嘅玫瑰荔枝，溝埋奶蓋一齊飲，望落非常啱打卡又香甜好飲！