Video
Read full review
2019-04-14
22 views
呢日同朋友喺銅鑼灣行完街，朋友話位於V point 23樓嘅《隨變火鍋》既有雞煲又有串燒同乾鍋，一於試下。餐廳裝修雅緻，座位闊落，窗外有無敵夜景。除咗雅座，坐吧台一樣可以食雞煲、串燒、飲生啤，各適其式。先點兩款串燒食下。燒牛舌心 ($48/串) - 表面燒得十分香口，咬落肉質爽嫩juicy，牛味濃郁，加上灑喺表面嘅香料，相當好食。内蒙羊肉串 ($28/份) - 亦係燒得相當香口，羊味鮮甜而不羶，十分惹味。青島 ($20/罐) - 有咁好食嘅串燒，當然要同朋友小酌一杯。我哋食完串燒，再食雞煲。養生雜菌雞煲 ($168/半隻) - 除了半隻雞肉，煲內還有多好鮮冬菇、秀珍菇、雞髀菇、鴻喜菇、淮山、杞子等，材料豐富。雞肉嫩滑有雞味，就算煮得耐仍很嫩滑。打邊爐前先呷一碗湯底，有雞肉及雜菌的味道，相當鮮甜。頂級手切牛頸脊 ($198/小) - 色澤鮮紅，油花分佈平均，牛味濃郁，肉質腍得嚟有口感。白柏葉 ($22/份) - 爽口彈牙，稍微灼一下就食得。鴨紅 ($58) - 口感軟滑油墨菜 ($23/份) / 皇帝菜 ($23/份) - 新鮮好食。呢餐我哋食得相當滿意，朋友仲話原來十点鐘後宵夜時段會有
餐廳裝修雅緻，座位闊落，窗外有無敵夜景。除咗雅座，坐吧台一樣可以食雞煲、串燒、飲生啤，各適其式。
先點兩款串燒食下。
燒牛舌心 ($48/串) - 表面燒得十分香口，咬落肉質爽嫩juicy，牛味濃郁，加上灑喺表面嘅香料，相當好食。
内蒙羊肉串 ($28/份) - 亦係燒得相當香口，羊味鮮甜而不羶，十分惹味。
青島 ($20/罐) - 有咁好食嘅串燒，當然要同朋友小酌一杯。
我哋食完串燒，再食雞煲。
養生雜菌雞煲 ($168/半隻) - 除了半隻雞肉，煲內還有多好鮮冬菇、秀珍菇、雞髀菇、鴻喜菇、淮山、杞子等，材料豐富。雞肉嫩滑有雞味，就算煮得耐仍很嫩滑。打邊爐前先呷一碗湯底，有雞肉及雜菌的味道，相當鮮甜。
頂級手切牛頸脊 ($198/小) - 色澤鮮紅，油花分佈平均，牛味濃郁，肉質腍得嚟有口感。
白柏葉 ($22/份) - 爽口彈牙，稍微灼一下就食得。
鴨紅 ($58) - 口感軟滑
油墨菜 ($23/份) / 皇帝菜 ($23/份) - 新鮮好食。
呢餐我哋食得相當滿意，朋友仲話原來十点鐘後宵夜時段會有八五折優惠，絕對喺銅鑼灣食宵夜嘅一個好選擇！
Post
