小神燈新派飯館 (Closed)

前幾日朋友屋企新居入伙，所以就入咗將軍澳嗰邊探佢，佢帶咗我哋去食依家小神燈食晚飯，懷舊小菜😌今次同朋友叫左脆皮豬手，金沙鬼馬百花釀油條，腿茸菜膽雞，招牌焗魚腸，咕嚕肉，西蘭花炒帶子，另外呢仲有前菜涼拌豬皮，份量超大啦，而且好有鑊氣，晚飯時間都幾多人，好彩小編早啲入去，行遲一步都要等，而且餐廳裝修都係懷舊形式，所以都好適合打卡小編極力推介佢哋嘅金沙鬼馬百花釀油條，脆皮豬手，招牌焗魚腸，其他菜式都好好味，好有鑊氣！金沙鬼馬百花釀油條：油炸鬼裹面包住蝦膠，出面就仲有鹹蛋黃包住，唔會好油膩，而且平時我喺屋企都好難煮，所以大家記得要試吓脆皮豬手：好大隻，而且已經切晒片，方便大家食用，豬皮好脆身，裏面啖啖肉，仲有蜜糖芥末醬，同埋沙律醬，一齊食😙招牌焗魚腸，呢度菜好少地方有得食，而且都要花好多心機去整，所以真係一啲都唔簡單，而且焗魚腸冇腥味，裏面仲有叉燒絲，雞蛋，芫荽，仲有食到陳皮添，好足料咕嚕肉，西蘭花炒帶子，依兩個菜式都好大碟，而且好友鑊氣，西蘭花好爽，走油有工夫，做得好足！腿茸菜膽雞，菜膽雞係半隻雞嘅份量，雞肉好嫩滑，味道不錯👍🏻