西餐大排檔 (Closed)

今晚約左同學敘舊，我地去返個時返學既港島區搵好野食。由appetizer開始講起先。每日限量既艾迪BB鴿係餐廳既必食推介，每碟有兩隻。見到佢色澤鮮明，食落好香口。BB鴿既皮燒得好香脆，肉質好鮮嫩。開頭以為佢會係好濃味個隻，但係味道啱啱好，仲保留到入邊既肉汁。主食方面，我地叫左個燒原隻法國春雞。咁我地每個人就可以食到唔同既部份。特別要推介下佢個醬汁，既唔太鹹又唔會搶左本身春雞嘅味道。雞唔會燒得太老，因為share既時候都好容易切件。Even係雞胸肉都好嫩滑！旁邊有沙律菜同薯蓉伴碟，沙律菜好新鮮，薯蓉亦都有細心咁調味過。再黎既就係蝦肉醬蘑菇意粉配煎鮮蝦。個蝦肉醬集合晒鮮蝦既精髓，佈滿係每一條既意粉上面。意粉面頭既三隻蝦爽口彈牙，煎得好香。仲有d羅勒葉少少甘甜，同d意粉一齊食中和返蝦肉醬既味道。每餐飯點可以無左甜品呢個環節呀！由我揀既美國香醇朱古力蛋糕如果分量再多d就好啦！朱古力味好香濃。賣相雖然簡單，但係仍然無阻我呢個朱古力迷對佢既熱情！