金記冰室 (霎東街) (Closed)

去銅鑼灣利舞台搵Iron Man，朝聖完畢，就係醫肚嘅時間，想實惠啲，所以冇入到利舞台，行返出地鐵站方向覓食。沿路見到金記冰室，被佢嘅佈置和裝飾所吸引，喜歡懷舊風嘅我，立即入嚟試試。一入門口就見到電車佈景，真係嘩一聲，好開心！卡位就好似車卡坐位，好得意！好似在車入面食嘢咁。仲有好多其他嘅懷舊裝飾和佈置。餐牌係一個日曆，都好有特色！我哋分別點了常餐，焗肉醬意粉，咖喱魚柳飯。味道很好！好有水準啊！值得推介！