荔香園冰室 (Closed)

行旺角見到開左間新野，裝修幾特別，加上見到有一人雞煲，所以就入左去試下。環境好似去左啲舊式茶餐廳咁，好懷舊同有香港特色，好岩遊客來打卡。選擇方面主要既有煲仔、台式肉燥、咖哩飯等等，我當然係要叫返重慶雞煲試下啦有時一個人好想食雞煲，可以考慮下黎呢到毒食下，因為價錢唔算話極貴，可以頂下癮呀麻，雞煲味道不錯，雞肉做得幾香滑，不過如果男仔食可能會有啲意猶未盡，白飯是偏軟一點，如果再粒粒分明啲會更加分！叉燒滑蛋飯，又係勁多人叫既一碟，因為金金黃黃既顏色，好鬼吸引！味道方面覺得叉燒可以做得更好，滑蛋就不錯的，因為外圍有啲蛋白漿令到個口感幾滑，飯加了鼓油也很甜和juicy，值得一試！