最經典還是當年有一個謠傳，係一個興華樓年代的老板，喺一個晚上, 喺麻雀檯上輸掉整間酒樓！
雖然多次轉換酒樓名稱，但其食物種類，味道等，都係大同小異，特別佢嘅點心，多年來都保持質數。
呢間係好典型嘅懷舊酒樓，當然食物都較傳統同懷舊風味啦！
喜歡舊式酒樓風味就唔好錯過啦！
特別鍾意佢嘅排骨飯，因為d飯蒸得粒粒企身，絕唔會淋吱吱，排骨又好好味。燒賣多蝦好爽口,又有香菇味，雞飽仔充滿蔥香、雞肉、同濃濃薑汁味，正！
~ 排骨飯$16
~ 燒賣$11
~ 雞包仔$10
仲有, 糯米雞亦好好味, 唔會蒸得一pat pat咁!
自從早幾年曾見過佢有雞球大包，到現在都唔見再有，好懷念呀！
